Социалдык-экологиялык трансформация

Кыргызстан Борбордук Азиядагы климаттын өзгөрүшүнө аярлуу өлкөлөрдүн бири катары таанылган. Төмөн кирешелүү бир топ өлкөлөрдөгүдөй эле, Кыргызстанда да өнүгүү экономикалык өсүш менен аныкталат. Анын уникалдуу климаттык шарттары экономикалык жана инфраструктуралык өнүгүү менен айкалышып инклюзивдүү жашыл экономика түшүнүгүн ыңгайлаштырууга мүмкүнчүлүк берет. Бул климатка гана эмес, ошондой эле социалдык адилеттүүлүккө туура келген адаптациялоо жана митигациялоо стратегияларын илгерилетүү аркылуу туруктуулукка басым жасоону билдирет. Париж келишиминин катышуучусу катары Кыргызстан климаттын өзгөрүшүнүн кесепеттерин азайтуу боюнча чара көрүүгө убада берген. Бул келишим экономикалык жана социалдык иш-аракеттерди талап кылгандыктан, улуттук максаттуу салымдардын (NDCs) алкагында көрүлүп жаткан иш-аракеттердин социалдык адилеттүүлүгүн камсыз кылуу маанилүү.

Климаттын өзгөрүүсүнүн темасы демократиялык өнүгүү үчүн фундаменталдуу мааниге ээ болгондуктан, ал FES Кыргызстан тыгыз иш алып барган бир катар чектеш тармактар менен кесилишет, мисалы, эмгекчилердин укугу, аялдардын укугу жана жарандык катышуу. Социалдык-экологиялык трансформация (СЭТ) идеясы туруктуу өнүгүүнүн ажырагыс бөлүгү катары зарыл болгон инклюзивдүүлүктү, укуктарды коргоону жана социалдык адилеттүүлүктү камтыйт. Бул максатта FES Кыргызстан ачык диалогду камсыз кылуу жана климат саясатын иштеп чыгууда инклюзивдүүлүктү колдоо үчүн климаттын өзгөрүшү боюнча эксперттер менен өкмөт өкүлдөрү үчүн платформа түзүүгө умтулат.

FES Кыргызстан жергиликтүү экологиялык бейөкмөт уюмдар менен да кызматташып, климаттык саясатты түзүүдө жарандык катышууну күчөтүүнү жана климаттын өзгөрүшүнүн кесепеттерин азайтууну түшүнүүгө багытталган долбоорлорду колдойт. Кызматташуу (1) жарандык коомду колдоо жана жарандык коомдун өкүлдөрү менен мамлекеттик кызматкерлердин ортосундагы диалогду камсыз кылуу; (2) саясатчыларды, эксперттерди жана башка кызыкдар болгон тараптарды маалымдоо үчүн изилдөө жүргүзүү; (3) айлана-чөйрөнү коргоо жана климаттын өзгөрүшү боюнча билим берүүгө көмөктөшүү; (4) калктын бир кыйла аялуу катмарларынын экономикалык, ошондой эле саясий чөйрөлөргө катышуусун камсыз кылуу үчүн алардын укуктарын камтыган социалдык адилеттүү өнүгүүгө көмөктөшүү. Ошол эле учурда, FES Кыргызстан туруктуу өнүгүүгө социалдык адилеттүүлүк жолу менен өтүүгө негизделген SET принциптерин карманат.