FES Кыргызстан Борбор Азиялык регионалдык платформага өтүү тууралуу билдирет

Фридрих Эберт атындагы Фондунун (Friedrich Ebert Stiftung, FES) Кыргызстандагы өкүлчүлүгү биздин өнөктөштөрдү жана коомчулукту 2025-жылдын декабрь айынын аягында Бишкектеги офисибиз жабыла турганы тууралуу маалымдайт. Бул биздин көзкарандысыз өлкө мекемебиз ишмердүүлүгү аяктаганын билдирет, бирок Кыргызстандагы ишибиз токтойт дегенди билдирбейт.

2026-жылдын январь айынан тартып, FES Кыргызстан кеңейтилген Борбор Азиялык регионалдык платформага интеграцияланат. Бул платформа FESтин региондогу бир нече өлкөдөгү ишин бириктирип, тереңирээк регионалдык кызматташууга, интеграцияланган долбоордук пландаштырууга жана диалог менен тажрыйба алмашуунун жаңы мүмкүнчүлүктөрүнө жол ачат.

Көп жылдар бою FES Кыргызстан социалдык адилеттүүлүктү колдоого, демократиялык өнүгүүгө, жаштардын мүмкүнчүлүктөрүн кеңейтүүгө жана региондук кызматташууга арналып келген. Изилдөөлөр, коомдук талкуулар, билим жана потенциалды өнүктүрүү программалары, ошондой эле жарандык коом, академия жана мамлекеттик мекемелер менен кызматташуу аркылуу биз өлкөдө маанилүү демилгелерге жана процесстерге өз салымыбызды кошконубузга сыймыктанабыз.

Жаңы регионалдык структурага өтүү менен, FES Кыргызстанда жана кыргыз өнөктөштөрү менен ишин улантат — бирок мындан ары өзүнчө мекеме катары эмес. Биздин ишмердүүлүк, тажрыйба жана өнөктөштүктөр кеңейтилген Борбор Азия программасынын маанилүү бөлүгү бойдон калат.

Биз көп жылдар бою бизди колдоп келген бардык өнөктөштөргө, кесиптештерге жана досторго терең ыраазычылык билдиребиз. Силердин ишеним жана кызматташууларыңар биздин ишибиздин ийгилиги үчүн абдан маанилүү болду, жана биз жаңы регионалдык форматта да кызматташтыкты улантаарыбызга ишенебиз.

Бардык суроолор боюнча төмөнкү дарекке кайрылсаңыздар болот:

info.bishkek(at)fes.de

Биз менен бирге болгонунуздар үчүн чоң рахмат! Борбор Азиялык платформа алкагында биргеликте жаңы баракты түзүүгө кубанычтабыз.