Жаңы баcылма: Кыргызстандагы формалдуу эмес экономиканы талдоо

18-июнда Кыргызстандагы Фридрих Эберт фонду тегерек үстөл уюштуруп, анда "Кыргызстандагы формалдуу эмес экономиканы талдоо" аттуу кабинеттик изилдөөсүнүн жыйынтыгы менен тааныштырды. Изилдөөнү Борбордук Азия университетинин мамлекеттик башкаруу жана саясат институтунун улук илимий кызматкери Канат Тилекеев жүргүзгөн.

Бул иш-чарага Германия жана Швейцария элчиликтеринин, ILO жана GIZ сыяктуу эл аралык уюмдарынын, куруучулар кесиптик бирлигинин, тоо-кен металлургия өнөр жайынын, КР Саламаттык сактоо жана социалдык өнүктүрүү министрлигинин, КР Соода-өнөр жай палатасынын, эл аралык ишкерлер кеңешинин, JIA ассоциациясынын өкүлдөрү, ошондой эле экономика жана калкты иш менен камсыз кылуу жаатындагы көз карандысыз эксперттер катышышты.

Изилдөөгө ылайык, формалдуу эмес экономика акыркы жылдары улуттук экономиканын дээрлик 50%ын түзөрү айтылат. Бул өлкөнүн туруктуу экономикалык өсүшүнө терс таасирин тийгизмекчи. Өлкөдөгү жумушчулардын 71,8%ы формалдуу эмес эмгек рыногунда иштешет, экономиканын эң "формалдуу эмес" тармактары соода жана курулуш болуп саналат.

Кабинеттик изилдөө формалдуу эмес экономиканын жогорку үлүшүнөн келип чыккан негизги көйгөйлөрдү ачып берди жана ал формалдуу эмес экономиканын үлүшүн азайтууга, ошондой эле туруктуу жана инклюзивдүү экономикалык моделдин өнүгүшүн колдоого багытталган саясий сунуштамалары менен тааныштырды.

Тегерек үстөлдүн катышуучулары изилдөөнүн жыйынтыктарын талкуулоого активдүү катышышты, маселенин маанилүүлүгүн белгилешти, формалдуу эмес экономика жана формалдуу эмес иш менен камсыз кылуу боюнча өз пикирлерин жана сунуштарын айтышышты, ошондой эле фондго сапаттуу изилдөө жүргүзгөндүгү үчүн өз ыраазычылыктарын билдиришти.