«Орусиядагы Кыргызстандык мигрантар үчүн Европа – жаңы багыт изилдөөсүнүн презентациясы

2024-жылдын 23-октябры күнү “Европа – Россияда кыргызстандык эмгек мигранттары үчүн жаңы вектор” деген изилдөөнүн презентациясы боюнча тегерек стол өткөрүлдү. Бул изилдөө “Инсан-Лейлек” коомдук фонду менен Германиянын Фридрих Эберт фонду биргеликте жүргүзгөн.

Иш-чарада Жогорку Кенештин депутаттары, Эмгек министрлигинин өкүлдөрү, европалык өлкөлөрдүн дипломаты, ошондой эле Эл аралык эмгек уюму (ЭЭУ), Эл аралык миграция уюму (ЭМУ) жана башка эл аралык уюмдардын өкүлдөрү катышты.

Эмгек агымдарынын ар түрдүүлүгү маселеси Кыргызстан жана Борбордук Азиянын башка өлкөлөрү үчүн өзгөчө маанилүү болуп жатат. Европалык өлкөлөр мигранттардын көңүлүн жаңы мүмкүнчүлүктөр катары дагы көбүрөөк тартууда. Кыргызстан дипломатиялык миссиялардын жана жеке сектордун мүмкүнчүлүктөрүн колдонуп, өз жарандарын европалык эмгек рыноктарына кирүүгө активдүү түрдө жол ачууда.

Тегерек столдун алкагында Европадагы кыргыз мигранттарынын жашоосун чагылдырган кыска тасма көрсөтүлдү. Изилдөөнүн жыйынтыгы көрсөтүлгөндөн кийин, жалпы талкуу өткөрүлүп, анда катышуучулар Кыргызстан үчүн миграция темасынын актуалдуулугун жана маанилүүлүгүн талкуулашты.

Изилдөө 2024-жылдын март айынан август айына чейин жүргүзүлүп, европалык өлкөлөрдүн кыргыз эмгек мигранттары үчүн жаңы миграциялык багыттар катары потенциалын анализдөөгө багытталган. Кыргыз мигранттары, адатта, Россиянын эмгек рыногуна багытталган.